Surat orang Rombau, Nogori 9

kepado Pak Lah… PM paling sey sayang… i lap u.

namo sey ni KARIM. pengundi bedaftar DUN CHOMBUNG, PARLIMEN ROMBAU. alaaaa… tompek si KERY yang abah eh JAMALUDIN tuuu. tak kona’ ko ???? menantu Pak Lah tu laaaaa. suko bona’ sey ngan dio tu. ghaso nak buek menantu lak.

sey nulih surat ni bukan apo… sajo yor nak ucap’an timo kasih kek Pak Lah sobab naik’an hargo minyak ari tu. lopeh ini bilo hargo minyak naik… hargo barang lain pun naik gak laaaa. banggo boto’ sey. ghaso… mcm duduk kek LAS VEGAS lak. HIDUP PAK LAH!!!!!!!

sey janji ngan Pak Lah yang sey akan ubah tebiat sey dari makan ikan kombung yang dah merah menyalo mato’eh dan pocah bedorai porut ikan tu pado ikan koring yor.

sey sanggup bekoban untuk UMNO dan bn. anak sey yang 7 orang tu yang dah buleh buek team futsal tu boleh la bekojo lopeh sekolah buek bantu mak ayah diorang ni haaa. kok tak bokojo pun, buleh la jadi mat rompit kek SENAWANG tu. dapek gak la duit sesikit. buleh gak la menoruskan tradisi keluargo sey ni yang nyokong UMNO dan bn.

ghaso2 sey ni nak ubahsuai bilik-bilik yang ado kek ghumah sey… nak buek tompek bolo ikan dan tanam sayur cagho hidroponik (apo binchek’eh ni???). sey tepakso tanam kek dalam bilik sobab sey tingga’ kek
umah flat jo.

rebet yang Pak Lah bagi kek sey memang melampuh2 lobeh’ eh dari keperluan sey. bilo sey congak2.. sey cumo guno 20 sen yor duit minyak moto sehari. ado la untung 21 sen. bak kato si SAIDA AF6 “ok la tuuuu”.

sey tak pakai pon keto… sobab bilo minyak naik hargo… sey kono jual datsun kotak mancis sey tu. dapek gak la duit. tokih2 pun ado la hasil’ eh.

team futsal sey tu, sey nak suruh eksesais ari2 berjalan kaki tak pun naik beska’ poie sekolah. ado la 5 km. dokek yor tuuuuu. walaupon gaji sey ni RM1000… sbona’ eh terlobih cukup untuk keluargo sey.

buek permulaan nak ngubah kehidupan sey… sey tak akan guno’an gulo bilo buek kopi… tak akan guno’an topung untuk buek kodok. sey nak ganti’an bogheh ngan ubi. tiap ari sey ngan keluargo akan berposo (kecuali pado ari-ari yang dilarang beposo). sey akan buek minyak masak sendiri. itu antaro caro sey ngubah caro hidup. ado banyak laie caro… semuo kerano UMNO dan bn.

dan sey mintak bona’ Pak Lah naik’an laie hargo minyak yang ado. bukan tu yorrr… sey mintak bona’ naik’an laie hargo tol sobab orang sbolah rumah sey nih orang pembangkang. dio slalu guno highway, biar padan muko dio. tu la… suko bona’ nyokong pembangkang… PAKATAN RAKYAT konon. palo hayah dio tu.

nanti Pak Lah buleh la melawat sey dan sedokah pado sey solai kain pelikat bilo dah nak dokek2 pilihanrayo nanti. Insyaallah kain pelikat tu sey nak bubuh dalam frame dah tu gantung kek rumah. tapi jangan lupo lak… Pak Lah sain otogeraf yor kek kain tu.

jgn lupo Pak Lah… naik’an laie hargo minyak. jangan la diturun’an gaji mentori2 tuuu… siannn diorang. kang apo lak anak bini’eh nak mentodarah. tak dapek pulak nak menyoping sakan kek obesea tuh. sey totap nyokong Pak Lah.

akhir kato biar Pak Lah sonang, janji kami papo kedano. hidup UMNO, hidup bn.

sekian timo kasih.

p/s: sampai’an salam sey kek si KERY samo PATRICK BADAWI tu yor. tak lupo gak tuan punyo syarikat SCOMI… sapo tah namo’eh… lupo lak.

pocah kaco, pocah golas, dah baco, harap baleh.

4 thoughts on “Surat orang Rombau, Nogori 9

  1. org tua tue mana baca surat2 cenggini cikwiduri..
    harap cikwiduri paparkan dlm paper cikwiduri (kalau boleh).

  2. cerhoh mase depang, lembik lotek badang ambo, nyaknyo ambo , bbonyah se`eh, dekpong gak eh siak duk ggobar…

Comments are closed.